إذا راك حراڨ و راك خايف من الكونطرول إذا يرجعوك للبلاد أنا نعطيكم بعض النصائح لإجتناب الكونطرول في كامل أوروبا خاصة في فرنسا .
#1 الحاجة الأولى أخي أخطيك من الملابس تاع لاكوست و لاريني لأنه بكل بساطة معظم السراق في باريس يلبسوها
#2 أخطيكم من الأماكن التي يتواجد فيها تاوعنا مثل بارباس ولاشابال و ساندوني محطة
#3 أخي الحراڨ جرب تلبس مليح يعني لباس محترم يعني سروال جينز و لاطوال يعني كلاسيك مين يشوفك كونترول يحسبوك طالب جامعي .
#4 عمرك ما ترفد معاك جواز السفر لأنه بكل بساطة يحكموه ترجع فالطيارة الأولى.
#5 مدابيك حبيبنا تتمشى وحدك تتنقل وحدك أو على الأكثر مع صاحبك يعني ماتتمشوش فوق 3 لأنكم معرضين للتوقف في أي لحظة
#6 أخي الحراڨ ماتشريش تليفون مسروق رغم إغواء السعر لأنك لو اتبعوا الهاتف و يلقوه عندك تولي فالمشاكل لا حل لها
#7 أخي الحراق مدابيك تخلص تذكرة النقل ميطرو ولا باص و RER المهم خلص تذكرة لأنك لو تحرق يجي النهار وين طيح في يد الكونطرول و تولي لاقي روحك فالبلاد على جال تيكي تاع €2.
#8 أخي الحراڨ أخطيك من السرقة رغم تكون الظروف ضعيفة ولكن كاين جمعيات وين تأكل و تدوش و حتى المباتة لأن الشرطة يكرهو السرقة و العنف
المهم خوتنا أخطيوكم من الحرام و كثروا من الدعاء و الصلاة باش ربي يوفقكم إن شاء الله الإنسان لي يتبع طريق الله و الله مايسوفري ...
ربي يوفق الجميع
ليست هناك تعليقات:
إرسال تعليق